رووش

1

نووسیبووت پێت خۆشه‌ بگه‌ڕێیته‌وه‌

پێت خۆشه‌ کاتێ که‌ شیعر ده‌هۆنمه‌وه‌

له‌ لام بی

قسه‌یێکم نییه‌

ئه‌گه‌ر پێت ئه‌کرێ وه‌ره‌

شیعر وتن

بۆ من وه‌کوو ئاو خواردنه‌وه‌یه‌

له‌ بیابان دا

وه‌ره‌...

2

هه‌ر له‌ ده‌سپێکه‌وه‌

رێگاکه‌مان لێک جودا بوو

تۆ وه‌کوو شاعیر

ئه‌ویندار بوویت و

من وه‌کوو ئه‌ویندارێک

شیعرم ده‌گوت

هه‌ر دوو ون بووین

من له‌ کۆتایی خه‌ونێک

تۆ له‌ شیعرێکی بێ کۆتایی

3

له‌ چێشته‌نگاوێکی زستانیا هات بۆ ماڵه‌که‌م

به‌ حه‌وت چڵ گوڵی نێرگز و

له‌تێک له‌ ئاسمان

ئیتر شتێکم له‌م ژوانه‌ بیر نه‌ماوه‌

وه‌ک خه‌ونێکی دوای بێداری

که‌ هیچ شتێکت‌ بیر نامێنێ

چاوه‌کانت ته‌ڕن

به‌ڵام

گیرۆده‌ی ئه‌و خه‌ونه‌

بێئه‌ختیار پێده‌که‌نی

کاغه‌ز و قه‌ڵه‌م هه‌ڵده‌گری و

ئه‌وه‌ی له‌ یادت چوون

ده‌ینووسی...

شاعیر: واهه‌ ئارمه‌ن ‌

وه‌: سۆران محه‌مه‌دی